| 復活節打下牌, gathering 中渡過..冇壓力下生活..人都精神d
咁就放完難得ge 連續4 日DO
7-11 PPAP 番到19號就完成今次o既實習...差五日咋
諗起都想開香檳慶祝 |
| |
| 好耐冇打xanga lu
唔經唔覺就黎實習左11個星期
開始習慣左兒科ge 生活..下星期又要轉ward...
一開始果陣係完全唔慣兒科ge節奏..
過左四星期後...變左唔想走..係兒科過得開心...工作量唔算大..
得閒就同d 靚仔/妹 BB 玩...輕鬆咁過日子..
除左有時會突然間忙起上黎...一黎幾個新症..做都做唔切..
AOM pass 左...一天都光哂...考果陣真係個腦實哂..動作慢過平時n 倍
係兒科試過PAN...番完之後真係想嘔血..支力到七彩..
係零晨四點幾果陣已經開始冇電...
連姑娘都講..同學你好支力wor..教你新野..等你清醒d
呢排兒科黎左個BB 係Bladder Exstrophy..佢身世都好慘
係一個內地黎ge孤兒..咁細個就要做咁大型ge 手術..不過主任講得o岩
如果唔係孤兒..咁就唔會有志願組織收養佢..咁佢就未必有機會做手術
每日我地一得閒就會入佢睇下佢..同佢玩下
聽姑娘講..晶泰都要住一段日子..遲d 得閒可以落去探下佢 |
| |
| 追更的生活...眼訓到傻...
唔經唔覺...已經第四個禮拜實習...去完opd..呢家去23F
係OPD 過慣左...o岩o岩上到23F 係完全唔習慣
同埋點解咁多QH 度ga!!!
成層得兩部機...咁有錢買多幾部機黎用la... |
| |
| 實習完六日
其實我係鍾意實習ge...只要有睇學到..有得著..辛苦d 都值..
今日拎衫去洗果陣..連姐姐都講 "同學..你好似好支力wor..."
梗係la六日冇好好咁休息過..未叉夠電又要番去
遲d 去 3 FN...係咁PA更...嘔血...
呢幾日都係做分流的工作...同埋睇醫生做treatment..有時就幫下手preparation
dressing suturing 拆線 換PEG 洗耳...
換PEG 果個蔡醫生好好人...我地係佢做完Treatment 問佢野..佢都好樂意咁解答
同埋一路成個過程都有解釋下d 要點...good!!
有時一日都遇唔到一個Treatment...果日就真係全日八成時間做data entry
琴日終於有機會打針...打果陣個腦空白一片..好彩個賓賓都冇話好痛..
係OPD 大部份姑娘都肯比我地去睇野學野...雖然做ge 野ge 種類就唔多
成個星期都有師兄帶住...咁有問題果陣都可以好快咁攪掂到..
同埋令到我更快熟悉OPD ge 工作
下個禮拜 P P + 連續四日 9-5...睇黎都係全個禮拜都係係跑馬地生活
|
| |
| 開始Practicum 2..第一站OPD for 2 weeks
第一日番P..去到OPD.
主任帶左我行一個圈..熟習下環境..同日常有機會接觸ge 野
跟住就去分流區...其實只係一個細小的地方
學下點分流..開頭動作慢到傻..簡直係阻住分流區運作
四點左右就食"晚"餐...食完就跟住師兄學野
今日睇到醫生做dressing, suturing, 洗耳, 打針
全日都係做下分流, 送下標本, 拎下x-ray 片, 同睇醫生做野
係後期都總算熟悉點係分流區做野...11 點走人餓到傻..買完宵夜就番屋
眼訓到暈..沖完涼..食野..傾下計就訓
今朝番9-5...亦都係主要係分流區做野
今日幫下醫生做 d procedure..開下set+equipment..唔洗齋企係度睇
跟住又睇下醫生dressing, suturing, 洗耳, 插ryle's..跟師兄做 ECG
再熟習下treatment room d 野放係邊...跟住又開下set..
發覺手汗太多..攪到好難帶隻無菌手套...帶到一半就kick 住哂
如果好似其他ward咁有得用便用鉗就方便好多
聽日番 11-7 |
| |
